İctimai Televiziya və Radio Yayımları Şirkəti: Dünya dini liderləri Bakıda aprelin sonunda toplaşacaq 

Dünya dini liderləri Bakıda aprelin sonunda toplaşacaq
================================================================================
Fatima Mirzoyeva on 12 Mart, 2010
 
Dünya dini liderlərinin Bakıda keçiriləcək sammitinin vaxtı
dəqiqləşib. İtv.az APA-ya isrinadən xəbər verir ki, Qafqaz
Müsəlmanları İdarəsinin sədri, Şeyxülislam Hacı Allahşükür
Paşazadə Bakıda keçiriləcək zirvə görüşünün aprelin 27-dən 29-dək
davam edəcəyini deyib. Onun sözlərinə görə, tədbirdə 150-dək dini
lider iştirak edəcək. Bundan başqa, dünyada mövcud olan ənənəvi
dinlərin hər birinin təmsilçiləri bu zirvə görüşündə iştirak
edəcəklər.
Allahşükür Paşazadə sammitə bütün ermənilərin katolikosu II-ci
Qareginin də dəvət ediləcəyini istisna etməyib: “MDB Dinlərarası
Şurasına bütün ölkələrin dini liderləri daxildir. Mən bu qurumun
həmsədriyəm. Bildiyimə görə, yaxın vaxtlarda Moskva və bütün
Rusiyanın patriarxı Kiril  Ermənistana səfər edəcək. Yəqin həmin
səfər zamanı Qaregini də Bakıdakı tədbirə dəvət edəcək. Mən bu
dəvətdə heç bir qeyr-adilik görmürəm. Çox arzu edərdim ki, Qaregin
Bakıya gəlib, Azərbaycan həqiqətlərini öz gözləri ilə görsün. Ancaq
dəvət olunsa da, Qareginin Bakıdakı tədbirdə iştirak edəcəyinə
inanmıram. Yəqin ki, Bakıda zirvə görüşü keçirilən zaman
Ermənistanda da uydurma “erməni soyqırımı” ilə bağlı tədbirlər
olacaq”  sitatın sonu.  www.itv.az