Gürcüstan prezidenti islahatlara dair fikirlərini açıqlayıb

Gürcüstan prezidenti Mixail Saakaşvili ölkə ordusunun gələcəyinə və silahlı qüvvələrdəki islahatlara dair fikirlərini açıqlayıb. Saakaşvili deyib ki, Gürcüstan öz hərbi məktəbini və hərbi sənayesini qurmalıdır. Onun sözlərinə görə, hazırda NATO-nun Əfqanıstandakı əməliyyatlarında qulluq edən 900 gürcü əsgəri nadir təcrübə toplayır.Bu da Gürcüstan dövlətini möhkəmlətməyə xidmət edəcək.O, Əfqanıstana əlavə əsgəri qüvvənin göndərilməsinə dair məsləhətləşmələrin aparıldığını deyib. Mixail Saakaşvilinin fikrincə, 2008-ci ildə Rusiya ilə müharibədən sonra Kreml Gürcüstanın müstəqilliyini zərbə altına almaq səylərindən əl çəkməyib.