Türkiyədə Nazirlər Şurasının toplantısı keçirilir

Baş nazir Rəcəb Tayyib Ərdoğanın sədrliyi ilə keçirilən tolplanıtıda  qondarma erməni soyqrımı ilə bağlı  bəzi  ölkələrin  parlamentlərində qəbul edilən qərarlar, Avropa ittifaqı ilə əlaqələr, ölkə konstitusiyasına dəyişiklik və bir  sıra iqtisadi məsələlərin müzakirəsi gözlənilir.

Türkiyə Parlamentinin Xarici Əlaqələr Komitəsində  İsveç və ABŞ parlamentlərində qəbul edilən qondarma erməni soyqrımına dair layihə ilə əlaqədar son vəziyyət müzakirə edilib. İclasda iştirak edən Türkiyənin xarici işlər naziri Əhməd Davudoğlu  son vəziyyətin  parlamentlərarası  əlaqələrin nə vəziyyətdə olduğunu nümayiş etdirdiyini  vurğulayıb. Əhməd Davudoğlunun sözlərinə görə  parlamentlərarası əlaqələri inkişaf etdirmək zəruridir. Türkiyə Xarici Siyasət İdarəsinin rəhbəri bundan sonra atılacaq addımların dəqiqliklə müəyyənləşdiriləcəyini vurğulayıb. Daha sonra qapalı formatda keçirilən toplantıda   TBMM-in Xarici Əlaqələr Komissiyasının sədri Murad Mərcan, bir qədər əvvəl  İsveçdən məsləhətləşmək üçün Ankaraya çağrılan səfir Zergin Korutürk və ABŞ-dakı səfir Namiq Tan da iştirak edib.