İctimai Televiziya və Radio Yayımları Şirkəti: Sənədli filmlər

Sənədli filmlər
================================================================================
Fuzuli Majidli on 09 Sentyabr, 2011
 
1. “Qafqaz tarixi-erməni məkri” -  Xr. 30.1917-ci ildə Rusiyada baş
verən Bolşevik inqilabından sonra ermənilər rusların köməyindən
istifadə edərək bütün Qafqaza yiyələnməyə çalışdılar. 1918-ci ilin
sonlarında onlar Loru-Pəmbək (cənubi Borçalı) ərazisinə yiyələnmək
üçün gürcülərlə müharibəyə başladılar. Bu toqquşmalarda əhalisi
azərbaycanlılar olan Sadaxlı, Ləmbəli, Dəmyə Görarxı, Saral,
Ağammədli, Kolgir, Qızıl Hacılı, Ləmbəli, Körpülü, Voronsovka
(Taşır) daha çox əziyyət çəkdilər. 31 dekabr 1918 - ci ildə
Borçalının bir hissəsi olan Loru nahiyəsi  neytral zona elan edildi.
Əslində bu əzəli türk torpağı olan Lorunun ermənilərə güzəştə
gedilməsi demək idi. 1921-ci ilin İyulun 7-də Rusiya Komunist Bolşeviklər
Partiyası Mərkəzi Komitəsinin iştirakı ilə Gürcüstan və Ermənistanın
ərazi hüdudlarını müzakirə etdi. Qafqaz bürosu Stalinin göstərişi ilə
Loru neytral zonasının Ermənistana verilməsi haqqında qərar qəbul etdi.
3810 km² ərazi Ermənistana birləşdirildi. Bu sənədli filmdə gürcü və
azərbaycanlı alimlər bu faktların təhlilini verir və ermənilərin ərazi
iddialarının təkcə Azərbaycana qarşı deyil həm də Gürcüstan və
Türkiyəyə qarşı yönəldiyini izah edirlər.2.“1930-cu il Şəki
üsyanı” - Xr. 30.1930-cu ildə Sov İKP MK tərəfindən qəbul edilən
qərara görə 1932-ci ilin yayına kimi kütləvi kollektivləşmə həyata
keçirilməli idi. Xalqın torpaqla bağlı ümidlərini boşa çıxaran bu
siyasət Azərbaycanın bir çox bölgələrində üsyan həddinə çatmış
etirazları əks etdirən müqavimət hərəkatı 1930-cu ilin aprel ayında
Şəkidə baş verdi. Bu filmdə həmin hadisələrin səbəb və
nəticələrindən söhbət açılır.
3.“Partizan Luçano” - Xr. 30.Bu sənədli film “Luçano” ləqəbli
partizan,  İtaliyanın Milli Qəhrəmanı, döyüşlərdə gösrətdiyi
şücaətə görə “Vətənpərvərlik sertifikatı” alan “İtaliya
Müqavimət Hərəkatı qəhrəmanı”  Ukrayna və İtaliyanın fəxri
vətəndaşı, Qrebenka şəhərinin ömürlük Xalq Deputatı olan
həmyerlimiz Məhəmməd Ağaş oğlu Xəlilovun həyatı və ikinci dünya
müharibəsi illərindəki partizanlıq fəaliyyətindən bəhs edir.Ssenari
müəllifi: Mahir QəribovRejissor: Taleh İsmail