"Titanik" yenidən çəkilir

“Titanik”in stereoskop versiyasının 2012-ci ilin yay ayında satışa çıxarılacağı gözlənilir. Həmin vaxt bütün dünya məşhur “Titanik” dəniz  faciəsinin yüzilliyini qeyd edəcək. Bu haqda məlumatı rejissor Ceyms Kemeron “USA Today” nəşrində dərc olunmuş  müsahibəsində açıqlayıb.

Onun sözlərinə görə filmin orijinal konversiyasına azı iki il sərf olunacaq. Filmin test işləri artıq sona çatıb və alınmış nəticələr  “FOX”  kinostudiyasının rəhbərliyinin ürəyincə olub.

Rejissor  2010-cu ilin payızınadək “Avatar”  filminin də tam versiyasının satışa çıxarılmasını  planlaşdırır.  

Rejissor  “Titanik”in yeni versiyasına köhnə variantına  müəyyən səbəblərə görə salınmayan  epizodları da əlavə edəcəyini bildirib.