BMT-nin Adi Silahlar Registri Belarusun 2009-cu ildə silah satışına dair hesabatını açıqlayıb

Ötən il Belarus Azərbaycan, Uqanda və Sudana silah ixrac edib. 

Hesabatda bildirilir ki, Belarus 2009-cu ildə Azərbaycana 9 ədəd 203 mm-lik 2C7 “Pion” özüyeriyən artilleriya qurğusu, 5 ədəd Rusiya istehsalı olan “Su-25 Frogfoot” hücum təyyarəsi, Uqandaya 23 ədəd T-55 tankı, Sudana isə 3 ədəd “Su-25” döyüş təyyarəsi satıb. Hesabat ilində Belarus xaricdən silah idxal etməyib.

Qeyd edək ki, Belarusun BMT-yə təqdim etdiyi hesabatda deyilir ki, Azərbaycana 2008-ci ildə 3 ədəd 2C7 “Pion” özüyeriyən artilleriya qurğusu, 2006-cı ildə 41 ədəd T-72 tankı, 2005-ci ildə 19 ədəd T-72 tankı, Ermənistana 2007-ci ildə 10 ədəd 122 mm-lik D-30 haubitsası satıb.