İctimai Televiziya və Radio Yayımları Şirkəti: Dağıstan və İnquşetiya Azərbaycanla əməkdaşlıqda maraqlıdır 

Dağıstan və İnquşetiya Azərbaycanla əməkdaşlıqda maraqlıdır
================================================================================
Natiq Aliyev on 03 Sentyabr, 2010
 
Rusiya dövlət başçısı Dmitriy Medvedyevi Azərbaycana rəsmi səfərdə
müşaiyyət edən geniş nümayəndə heyətinin tərkibində Dağıstanın
prezidenti  Maqomedsalam Maqomedov və İnquşetiyanın prezidenti  Yunisbəy
Evkurov da var. Onlar səfər çərçivəsində «Təzə Pir» məscid
kompleksi ilə tanışlığı ibadətlə başlayıb. Hər iki prezident
məsciddə namaz qılıb.Daha sonra qonaqlar kompleksdəki konfrans zalı və
kitabxana ilə tanış olub. Qafqaz müsəlmanları idarəsinin sədri Hac
Allahşükür Paşazadə prezidentlərə buradakı dini ədəbiyyatlar barədə
məlumat verib. Prezidentlərin Şeyxülislamla görüşü isə jurnalistlərin
iştirakı olmadan keçirilib. Görüşdən əvvəl açıqlama verən
Dağıstan prezidenti Maqomedsalam Maqomedov Azərbaycanla ikitərəfli
əməkdaşlığın mehriban qonnşuluq prinsiplərinə əsaslanaraq uğurla
inkişaf etdiyini bildirib. O deyib:”:Dağıstan Azərbaycanla
əməkdaşlığın inkişafında maraqlıdır. Rusiya prezidentinin
Azərbaycana səfəri əlaqələrimizin inkişafı baxımından vacib
hadisədir. Bu gün iki ölkə arasında iqtisadi, elmi, mədəni və dini
sahədə qarşılıqlı əlaqələr fəallaşıb. Xalqlarımızı  uzun və
çoxəsrlik əlaqələr bağlayır. Bizi birləşdirən əsas dəyər isə
dindir. Şeyxülislamın xalqlarımız arasnda əlaqələrin inkişafına
verdiyi töhvələri yüksək qiymətləndirirəm.”Dağıstan prezidenti
birgə iqtisadi layihələr barədə də məlumat verib. Əlavə edib ki,
“Bizim bir çox birgə layihələrimiz mövcuddur. Hazırda onlar icra
olunmaq ərəfəsindədir. Bakıya səfərimiz çərçivəsində İqtisadi
İnkişaf nazirliyində görüşümüz oldu. Əsas prioritet sahələri
müəyyənləşdirdik. Bunlar kənd təsərrüfatı, turizm və
hidroenergetikadır.”
İnquşetiya prezidenti Yunisbəy Evkurovda Azərbaycan münasibətlərin
inkişafına səy göstərdiklərini vurğulayıb:
“Azərbaycan bizim üçün vacib tərəfdaşdır. Əlbətdəki biz
əlaqələrimiz daha da irəliyə aparılmasna çalışırıq. Prezident
Dmitrii Medvedevin səfəri çərçivəsində Azərbaycanla rusiyanın
ayrı-ayrı subyektləri arasnda o cümlədən də inquşetiyayla
qarşılıqlı regional əməkdaşlq sazişi imzalanacaq. Bu bizim üçün
əhəmiyyətli sənəddir.”