Həmsədrlər qoşunların təmas xəttinin qarşı tərəfinə keçiblər

Bu gün Bərdə rayonuna gedən ATƏT-in Minsk Qrupunun həmsədrləri Robert Bradtke (ABŞ), İqor Popov (Rusiya), Bernar Fasie (Fransa) və ATƏT sədrinin şəxsi nümayəndəsi Anjey Kaspşik burada görüşləri başa vuraraq qoşunların təmas xəttinin qarşı tərəfinə keçiblər.

Ağdərə istiqamətində qoşunların təmas xəttinin qarşı tərəfinə keçən həmsədrlər oradan Xankəndinə gedəcəklər. Həmsədrlərin bu gün Xankəndində, sabah İsə İrəvanda görüşləri nəzərdə tutulur. Fransalı həmsədr Bernar Fasie səfərin yekunları ilə bağlı birgə bəyanatın yayımlanacağını bildirib. Xatırladaq ki, həmsədrlər dünən Bakıda Azərbaycan prezidenti, xarici işlər naziri və “Dağlıq Qarabağın azərbaycanlı imzası” İctimai Birliyinin rəhbərləri ilə görüşlər keçiriblər. Bu gün isə vasitəçilər Bərdə rayon icra hakimiyyətində olub, bölgədəki vəziyyətlə bağlı məlumat alıblar. Bernar Fasie jurnalistlərə açıqlamasında ilkin mənbədən aldıqları məlumatların çox maraqlı olduğunu bildirib.