Ölkələrimiz arasında əlaqələrin möhkəmlənməsi üçün böyük imkanlar var

Rene Van Der Linden hələ Avropa Şurası Parlament Asambleyasının prezidenti olarkən Azərbaycana obyektiv  münasibəti ilə seçilib və Dağlıq Qarabağ münaqişəsi ilə bağlı beynəlxalq hüquq normalarına əsaslanan  mövqe nümayiş etdirib. Bu sözləri Milli Məclisin sədri Oqtay Əsədov Niderland krallığı senatının sədri Rene Van Der Linden ilə görüşündə deyib. Qeyd olunub ki,   regiona səfərləri zamanı Rene Van Der Linden Azərbaycanda və Ermənisdanda  eyni mövqedən çıxış etməsi ilə digərlərindən fərqlənib. Belə  ki, Avropa Şurası Parılament Asambleyasının prezidenti kimi onun Ermənistanda  Dağlıq Qarabağ münaqişəsi həll olunmadan bu ölkənin  gələcəyinin olmadığını   və Azərbaycanın sürətlə inkişaf etdiyini bəyan etməsi  obyektiv münasibətin  göstəricisidir. Senat sədrinin Azərbaycanın dostu olmasının təsdiqi kimi onun  Niderland senatında Niderland-Azəraycan dostluq qurupu  yaratması və özünün həmin qrupun sədri olması göstərilib. 

Qonaq öz növbəsində Azərbaycana prezident Ilham Əliyevin dəvəti ilə gəldiyinə görə məmunluq hissi keçirdiyini  vurğulayıb. Bildirib ki,Bakıda  Niderland  səfirliyinin açılması ölkəsinin Azərbaycana verdiyi böyük önəmin  göstəricisidir. O, şəxsən özünün 2 ölkə  arasında əlaqələrin daha da inkişafı  üçün əlindən gələni edəcəyini  bildirib. 

Rene Van Der Linden daha sonra Milli Məclisin Beynəlxalq əlaqələr komitəsinin üzvüləri ilə də  görüşüb. Görüşdə iki ölkə arasında əlaqələrin intensiv inkişaf etdirilməsi perespektiviləri barədə fikir mübadiləsi aparılıb. Qeyd olunub ki, ikitərəfli əlaqələrin inkişafı üçün parlamentlərarası əlaqələrin böyük rolu var. Qonaq həmçinin Milli Məclisin binası ilə yaxından tanış olub. O, parlamentin  plenar  və komitə iclasları üçün nəzərdə tutulan zallarına baş çəkdikdən sonra, Heydər Əliyev muzeyində  olub. Muzeyin xatirə kitabına ürək sözlərini yazıb.