ABŞ-ın Azərbaycandakı səfirliyinin qarşısında piket

Bu gün bir qrup tələbə ABŞ-ın Azərbaycandakı səfirliyinin qarşısında piket keçirib. Buna səbəb ABŞ Dövlət Departamentinin açıqladığı hesabatdır.

 

ABŞ Dövlət Departamentinin martın 2-də açıqladığı hesabatın Azərbaycana aid hissəsində Azərbaycanlı tələbələrin 30-35 faizinin narkoman olduğu bildirilib. “Azərbaycan Tələbə Gənclər Təşkilatları İttifaqı” İctimai Birliyi bu qərəzli hesabata yox deyir.

Departamentin hesabatına əsasən belə nəticəyə gəlmək olar ki, Azərbaycanda hər 4 tələbədən 3-ü narkomandır. ABŞ ilə sıx və strateji əməkdaşlıq fonunda departamentin bu fikirdə olması azərbaycanlı tələbələr tərəfindən etirazla qarşılanıb.   

BDU-nun tələbə həmkarlar təşkilatının sədri Daşqın Qəmbərov: Tamamilə absurd bir informasiyadır. Tamamilə absur bir statistik rəqəmlərdir. Biz gənclərin buraya yığışmaqda əsas məqsədi bu informasiyanın yanlış olduğunu sivil qaydada, dinc formada bildirməkdir.

Tələbə Quliyev Adil: Biz bir gənc kimi gəlmişik ki, öz səsimizi bütün dünyaya çatdıraq.Gənclərə tövsiyyə edirəm ki, aktiv olsunlar, cəmiyyətimizə kömək olsunlar.

Sonda tələbələr hesabatdakı yanlış məlumatlara qarşı hazırladıqları etiraz qətnaməsini səfirliyə təqdim etdilər.