İctimai Televiziya və Radio Yayımları Şirkəti: Vaşinqtonda Xəzər regionunda siyasətindən bəhs edən forum keçirilib 

Vaşinqtonda Xəzər regionunda siyasətindən bəhs edən forum keçirilib
================================================================================
Natiq Aliyev on 13 Mart, 2010
 
Vaşinqtonda Amerikanın yeni administrasiyasının Xəzər regionunda
siyasətindən bəhs edən forum keçirilib. Cons Hopkins Universitetinin Orta
Asiya və Qafqaz üzrə Araşdırmalar institutunda təşkil olunan forumda
Xəzər regionunun ABŞ-ın xarici siyasətindəki əhəmiyyəti vurğulanıb.
Vaşinqtonda Amerikanın yeni administrasiyasının Xəzər regionunda
siyasəti barədə forum keçirilib. Cons Hopkins Universitetinin Orta Asiya
və Qafqazlar üzrə Araşdırmalar institutunda təşkil olunan forumda
Xəzər regionunun ABŞ-ın xarici siyasətindəki əhəmiyyətini
vurğulanıb. Çıxış edənlər Sovet İttifaqının dağılmasından bəri
ABŞ diplomatiyasının regiondakı yeganə nailiyyətinin Bakı-Tiflis- Ceyhan
əsas ixrac neft kəməri olduğunu bildiriblər. Həmçinin qeyd olunub ki,
Türkmənistan və Azərbaycanın Xəzərin dibindən boru kəməri çəkmək
üçün Rusiya və ya İranın razılığına ehtiyacları yoxdur. Avrasya
Araşdırmaları Mərkəzinin region üzrə eksperti Aleksandr Petterson
Xəzər regionun gələcəkdə mühüm bir tranzit mərkəzi olacağını
xatırladaraq deyib ki, Azərbaycan və Türkmənistanla fəal diplomatiya
nəticəsində əldə olunacaq razılıqla Əfqanıstandakı ABŞ, NATO və
başqa beynəlxalq qüvvələrin ehtiyaclarının az qiymətə təmin olunması
üçün qurudan bir dəhliz açıla bilər. O hazırda beynəlxalq qüvvələr
üçün Əfqanıstana yüklərin göndərilməsində Azərbaycanın hava
məkanından istifadə olunduğunu xatırladıb. Nümayəndələr palatasının
xarici əlaqələr komitəsində iddia olunan erməni soyqırımı barədə bu
yaxınlarda qanun layihəsinin təstiq olunmasına münasibət bildirən
iştirakçıların fikrincə, bu ABŞ-ın maraqlarına xidmət etmir.