İlk mərhələdə boşaldılması nəzərdə tutulan kəndlər

Xarici işlər naziri Elmar Məmmədyarov martın 15-də açıqlama verərək deyib ki, Dağlıq Qarabağ münaqişəsinin mərhələli həllini nəzərdə tutan Madrid prinsiplərinə görə, Ermənistan qoşunları işğal altında olan 5 rayondan (Ağdam, Füzuli, Cəbrayıl, Qubadlı, Zəngilan) və Laçın rayonunun 13 kəndindən çıxmalıdır.

Söhbət hansı 13 kənddən gedir? Xarici İşlər Nazirliyinin mətbuat katibi Elxan Poluxov “Media forum”un bu sorğusuna cavabında bildirib ki, azad olunması nəzərdə tutulan 13 kənd adbaad məlumdur.

Nazirlik sözçüsü həmin kəndlərin adını çəkməsə də, onların Laçın dəhlizi və Dağlıq Qarabağ ərazisindən uzaq kəndlər olduğunu bildirib: “Çoğrafi baxımdan Laçın dəhlizindən aralı, misal üçün, Qubadlı rayonuna, digər rayonlara yaxın ərazilərdir”.