İctimai Televiziya və Radio Yayımları Şirkəti: Azərbaycanda  aqrar inkişaf meylləri müşahidə edilir 

Azərbaycanda  aqrar inkişaf meylləri müşahidə edilir
================================================================================
Füzuli Məcidli on 15 Mart, 2010
 
İqtisadi və Sosial İnkişaf Mərkəzi “Azərbaycanda Kənd Təsərrüfatı
İnkişafının Qiymətləndirilməsi və Təkliflər Üzrə Konsepsiya
Layihəsi”nin təqdimatını keçirib. Tədbirdə  bildirilib ki, son illər
Azərbaycanda  aqrar inkişaf meylləri müşahidə edilir. Amma kənd
təsərrüfatı sektorunun ÜDM-da payı  o qədər də böyük deyil.
Ekspertlər məhsul istehsalının stimullaşdırması üçün əkin
sahələrinə görə aqrar subsidiyaların bölüşdürülməsi mexanizminə 
yenidən baxılmasını təklif edirlər. Mütəxəssislər hesab edir ki,
subsidiyalar müəyyənləşdirilərkən əvvəlki il istehsal olunan məhsulun
həcmi də nəzərə alınmalıdır. Bundan başqa kənd təsərrüfatı
anbarlarının tikintisi  sürətləndirilməli, idxaldan asılılıq
azaldılmalıdır. Eyni zamanda tədbir iştirakçıları  fermerlərin
gəlirlərini artırmağı da mümkün sayıblar.