İctimai Radio - 90 FM

 

 

 

 

 

 

 

Verilişlərimizi həmçinin Türksat -3 (42 dərəcə) peyki vasitəsilə də dinləyə bilərsiniz. Peyk parametrləri belədir: Fr- 11554 MHS; SR- 2916; Pol- Horizontal; FEQ 2/3; RadioTİD-37

 

İctimai Radio 2006-cı il yanvarın 10-da yayıma başlayıb. Efir fəaliyyətinin ilk günündən sutkada 24 saat yayımlanır. “Günün efirdə döyünən nəbzi” devizi ilə fəaliyyət göstərən İctimai radionun əsas funksiyası dinləyiciləri məlumatlandırmaq və maarifləndirmək, onlara operativ xəbərlər çatdırmaq, musiqili və əyləncəli proqramlar təqdim etməkdir. Radiomuz səhər saat 9-dan axşam saat 20-dək hər saatın tamamında xəbərlər buraxılışı ilə efirə çıxır.

 

Radionun, demək olar, bütün verilişlərinə maarifçilik ruhu hakimdir. Azərbaycan musiqisi, ədəbiyyatı, mədəniyyəti, tarixi barədə dinləyiciyə çox gərəkli bilgilər və məlumatlar çatdırılır. Böyük əksəriyyəti canlı yayımlanan bu verilişlər interaktiv sorgular, dinləyici ilə birbaşa ünsiyyət əsasında qurulur. Proqram siyasəti dinləyicilərin marağı, zövqü və arzuları nəzərə alınaraq müəyyənləşdirilir. 

 

İctimai Radionun prioritetlərindən biri də Azərbaycan həqiqətlərini, xüsusən Dağlıq Qarabağ münaqişəsi ilə bağlı həqiqətləri mümkün qədər geniş coğrafi ariala yaymaqdır. Bu məqsədlə radiokörpülərdən istifadə olunur. TRT-nin Türkiyənin səsi radiosu ilə birgə həyata keçirilən “Qorqud ata” layihəsinin istər Türkiyə, istərsə də Azərbaycan radio məkanında analoqu yoxdur. Bir saat davam edən “Qorqud ata” verilişi hər gün Türkiyənin səsi radiosunun və İctimai radionun ötürücüləri vasitəsilə bütün dünyaya yayımlanır. 

   

İctimai Radionun verilişlərinin yayım coğrafiyası ölkə ərazisinin təxminən 90 faizini əhatə edir. Bundan başqa www.itv.az  saytı vasitəsilə radiomuzu dünyanın istənilən nöqtəsində dinləmək olar.