İctimai Televiziya və Radio Yayımları Şirkəti: 11 mart Ümumdünya Böyrək Günüdür  

11 mart Ümumdünya Böyrək Günüdür
================================================================================
Füzuli Məcidli on 11 Mart, 2010
 
Hazırda dünyada 500 milyondan çox insan xroniki böyrək çatışmazlığı
xəstəliyindən əziyyət çəkir. Bu rəqəmin getdikcə artmasından ciddi
narahatlıq keçirən mütəxəssislər qüvvələrin birləşməsi və
müvafiq tədbirlərin tezləşdirilməsinin zəruriliyini bildirirlər.
Əlamətdar gün münasibətilə ilə Bakıda keçirilən toplantıda qeyd
olunub ki, hazırda Azərbaycanda 800-dən artıq şəxs xroniki böyrək
çatışmazlığından əziyyət çəkir. Bildirilib ki, Səhiyyə büdcəsinin
7,6%-i bu xəstəliklə mübarizəyə ayırılıb. Ötən il ölkəyə
ümumilikdə 70 ədəd olan hemodializ aparatı gətirilib və səmərəli
tədbirlərin görülməsi üçün müvafiq tədbirlər davam etdirilir.