Hər kəsi təəcübləndirən ixtira

İngiltərə  yeni   ixtira  ilə  dünyada  səs-küy yaratmağı bacardı. İngilis  alimləri Ceyms  Auger  və Cimmi  Loizeanın istehsal  etdiyi bu  cihaz öldürülmüş  milçəklərdən faydalanmaq imkanı yaradacaq. Necə? Belə  ki,  davamlı  olaraq fırlanan  yapışqanlı  lent və LCD ekrandan  ibarət bu  cihaz tutduğu milçəklərdən  enerji  əldə edir. Yapışqanlı  lent tutulan milçəkləri  cihazın  müvafiq  bölümünə  yerləşdirir. Burada kimyəvi  reaksiyalar sayəsində əldə edilən enerji LCD ekranı üzərindəki  saatın işləməsinə və yapışqanlı lentin  fırlanmasına yetəcək qədər enerji yaradır. Birləşmiş  Krallıq  hazırda bu cür  saatları  dünya ölkələrinə ixrac  etməyi  düşünür.