İctimai Televiziya və Radio Yayımları Şirkəti: “MySpace” “Facebook”u keçməkdə qərarlıdır 

“MySpace” “Facebook”u keçməkdə qərarlıdır
================================================================================
Natiq Aliyev on 10 Mart, 2010
 
İtv.Az Reuters-ə istinadən xəbər verir ki, “MySpace” sosial
şəbəkəsinin rəhbərliyi istifadəçilərin sayını 200-300 milyona
çatdırmaq fikrindədir.  Bunun üçün yaxın həftələrdə “MySpace”də
yeniliklərin olacağı gözlənilir. Sayt rəhbərliyi 400 milyon
istifadəçisi olan “Facebook”u keçməkdə qərarlıdır.Yeni saytda daha
çox musiqi və media xarakterli materiallar yer alacaq. İstifadəçilər
başqalarının  bölüşdüyü musiqiləri də dinləyə biləcəklər. Bu və
digər yeniliklər sayəsində saytı tərk etmiş istifadəçiləri geri
qaytarmaq və yenilərini cəlb etmək hədəflənir. Məlumat üçün
bildirək ki, 2009-cu ildə “MySpace” saytı yenidən quruldu. Saytda 
ixtisarlar oldu, bəzi ölkələrdə olan bölmələri bağlandı. 2010-cu ilin
yanvar ayına olan məlumata görə “MySpace” şəbəkəsində
istifadəçilərin sayı 119,6 milyon nəfər olub. Bu  göstərici
ümumilikdə ötən ilə nisbətən 7,4 faiz az olsa da, noyabr ayı ilə
müqayisədə çoxdur. Noyabr ayında şəbəkənin istifadəçilərinin sayı
108,1 milyona düşmüşdü.